Spain lawyers don carry complain against Barcelona defender Adriano Correia say dem dey suspect say hin dey do mago mago on top hin tax.
Adriano na the third player for Barca whey dem don accuse say dey do tax mago mago with the way dem dey handle their image rights money.
Them talk say hin hide like €646 086 between 2011 and 2012. Hin no declare all the money wey hin collect on top hin image rights.
Although them talk say the player and him club don sharparly pay the money after dem start to dey put eye for the mata, dem go still charge am go court because say him commit offence first of all.
Another Barca player, world best Lionel Messi and him papa kgo start their own trial for May 31 while Mascherano accept to go prison if the thing happen again come pay fine of €816 000 for January.
At this rate na all Barca players dem go probe last last.